... أسئلة ترفع الضغط ...

من طرف rahal الأربعاء 28 أكتوبر 2009, 8:32 pm

أسئله ترفع الضغط

من

اللي يسألها

مثلا :-

انت الحين بغرفتك منسد على فراشك ومطفي الليت (النور) فجأه يدش عليك

اخوك\اختك ويفتح الباب ويقول بتنام؟!! (لا برقص - اكيد بنام !!)

---------

انت لابس وكاشخ وقاععد تمشي بالبيت متجه للباب .. فجأه يشوفكواحد من اهلك

ويصرخ عليك ويقول بصوت عالي :- (هااابتطلع !! (لا بجرب الباب زين ولا لا

الصراحه سؤال خطير !!

----------

انت قاعد بغرفتك وماسك الكتاب قاعد تدرس .. يدش عليك واحد مناهلك يقولك

(هاا قاعد تدرس !! (لا افرش اسناني !! يعني ماسك الكتاب شسوي اكيد ادرس

-----------

انت الحين بالكافيه صدفه شفتواحد من الربع او الاهل .. قال هاا شتسوي هني !!

(ابيع بنك) !! لا تعليق

--------------------

لا وتعالو شوفو قنواتناالعجيبه اهما واسئلتهم !!

مثلا بالعيد بيقابلون واحد من الناس شوفو الحوار :-

المذيع :- مرحبا عرفنا على أسمك ؟

المواطن :- فلان الفلاني . . . . .

المذيع :- شنو تقول لأهلك بالعيد ؟ ! ! !

المواطن :- أقولهم كلعام وأنتم بخير . .

((لا بيقول لهم : منه المال ومنها العيال))

يعني السؤال تحفه والمذيع ومعد البرنامج اتحف علىهالسؤال

------------------------

والأسخف من هالبديهيات اللي تضيعوقتنا إذا قابلو البزران (الاطفال) , , ,

يقول المذيع البزر:- أنت تحب ماماوبابا ! ! !

((لا احبك إنت ووجهك))سؤال غبي الصراحه !!

----------------

برنامج مسابقات على الهوا :-

المتصل :- الوو السلام عليكم

المذيع :- وعليكم السلام هلا وغلا

المتصل:- ممكن اشارك

(يعني انت داق علشان تشارك ليش تستأذن !! من زود الأتكيت يعني)

--------------------

يعني اسئله غبيه مثل هالاسئله ماشفت

اتمنى الموضوع ينال اعجابكم

مع خالص ودي واحترامي لكم

rahal